जनादेश, काठमाडौं ।
नेपाल उद्योग वाणिज्य महासंघको वरिष्ठ उपाध्यक्षमा चन्द्रप्रसाद ढकाल निर्वाचित भएका छन् । जित सँगै ढकाल नेपाल उद्योग वाणिज्य महासंघको २० औं अध्यक्ष भन्ने भएका छन् । ढकालले एसोसिएटबाट पाँच सय २२ मत, वस्तुगतबाट ५९ मत र जिल्ला, नगरबाट ५२ मत प्राप्त गरेका थिए ।
ढकालका प्रतिद्वन्द्वी किशोर प्रधानले एसोसिएटबाट तीन सय ७४, वस्तुगतबाट ३९ र जिल्ला, नगरबाट ५३ मत प्राप्त गरेका थिए ।
एशोसिएटको मातभार ३० प्रतिशत, बस्तुगतको २० प्रतिशत र जिल्ला नगरको ५० प्रतिशत मत भार हुने प्रवधान रहेको छ ।
ढकाल प्यानलबाट एसोसिएटतर्फका उपाध्यक्षमा रामचन्द्र संघाई निर्वाचित भएका छन् भने प्रधान प्यानलबाट वस्तुगततर्फको उपाध्यक्षमा अञ्जन श्रेष्ठ र जिल्ला तथा नगरतर्फको उपाध्यक्षमा दिनेश श्रेष्ठ निर्वाचित भएका छन् ।
महासंघको विधानअनुसार वरिष्ठ उपाध्यक्ष नै आगामी कार्यकालमा स्वतः अध्यक्ष हुने व्यवस्था गरेकोले उपाध्यक्ष र सोभन्दा मुनिका विभिन्न पदमा शनिबार मतदान भएको थियो ।
