एजेन्सी ।
उत्तर कोरियाले कोरोना नियन्त्रणका लागि जारी प्रोटोकल पालना नगर्ने दुई सरकारी अधिकारीलाई मृत्युदण्डको सजाय दिएको छ ।
कोरोना प्रकोपबीच चीनको सीमाबाट सामान निर्यात नगर्ने सरकारको निर्णयविरुद्ध काम गरेको थाहापछि नेता किम जोङ उनले दुई सरकारी अधिकारीहरुलाई मृत्युदण्ड दिन लगाएको अन्तर्राष्ट्रिय सञ्चार माध्यमले जनाएका छन् ।
हालसम्म एक जनामा पनि कोरोना भाइरसको संक्रमण नदेखिएको दाबी गर्दै आएको उत्तर कोरिया कोरोनाविरुद्धको नियम पालना गराउन कडा रणनीति अख्तियार गरिरहेको छ ।
उत्तर कोरियाले विभिन्न क्षेत्रमा लकडाउन कायम राखिराखेको छ भने त्यहाँका नदीहरुमा माछा मार्न पनि प्रतिबन्ध लागेको छ।
