एजेन्सी ।
इण्डोनेसियाको नुसा तेंगारा प्रान्तको इली लेभेतस्थित ज्वालामुखी विष्फोट भएको छ ।
ज्वालमुखी विस्फोटका कारण २६ गाउँका २ हजार ७ सय ६० जना वासिन्दा विस्थापित भएको अन्तर्राष्ट्रिय सञ्चार माध्यमले जनाएका छन् । विस्फोटमा कोही हताहत भएको जानकारी प्राप्त नभएको समाचारमा जनाइएको छ ।
ज्वालामुखी विस्फोटपछि ४ किलोमिटर उचाइसम्म धुवाँ र खरानीको मुस्लो देखिएको थियो। ज्वालामुखी विस्फोटपछि आसपासका क्षेत्रमा उच्च सतर्कता अपनाउन निर्देशन जारी गरिएको छ। तत्काललाई हवाइ उडान बन्द गरिएको छ ।
