एजेन्सी ।
स्पेनिस ला लिगा फुटबलमा बार्सिलोनाले सहज जित निकालेको छ । घरेलु मैदानमा आइतबार राति भएको खेलमा ओसासुनालाई ४-० गोल अन्तरले पराजित गर्दै बार्सिलोनाले सहज जित निकालेको हो ।
बार्सिलोनालाई जित दिलाउन कप्तान लियोनल मेस्सी, एन्टोनियो ग्रिजम्यान, मार्टिन ब्रेथवेट र फिलिपे कौटिन्होले एक एक गोल गरे ।
ओसासुनाविरुद्धको गोल गरेपछि मेस्सीले अर्जेन्टिनाका महान खेलाडी डिएगो म्यारोडोनाप्रति श्रदान्जली अर्पण गरेका थिए । गोलपछि उनले म्यारोडोनाको पुरानो जर्सी देखाएर उनीप्रति गोल समर्पण गरेका थिए ।
बार्सिलोनाले पनि खेल अघि म्यारोडोनालाई सम्झिएको थियो । बार्सिलोनाका पूर्व खेलाडी म्यारोडोनाको गत साता हृदयघातको कारण निधन भएको थियो ।
