एजेन्सी ।
ओलिभर जिरउड चम्किएपछि चेल्सीले च्याम्पियन्स लिग फुटबल अन्तर्गतको खेलमा प्रभावशाली जित दर्ता गरेको छ ।
समूह इ अन्तर्गत बुधबार राति भएको खेलमा चेल्सीले सेभिल्लालाई ४-० ले पराजित गरेको हो । अवे मैदानमा भएको खेलमा चेल्सीका लागि चारै गोल जिरउडले गरेका हुन् । उनले ८, ५४, ७४ र ८३ औँ मिनेटमा गोल गरे ।
अन्तिम १६ मा यसअघि नै स्थान पक्का गरेको चेल्सी जितपछि १३ अंकसहित शीर्ष स्थानमा कायम छ । पराजित भएको सेभिल्ला १० अंकसहित दोस्रो स्थानमा छ ।
समूह इ अन्तर्गत बुधबार राति नै भएको खेलमा एफके क्रास्नोडरले रेनलाई १-० ले पराजित गरेको छ।
