जनादेश, काठमाडौं ।
आज देशभर थप ७३६ जनामा कोरोना संक्रमण पुष्टि भएको छ । यससँगै कोरोना संक्रमितको संख्या २ लाख ५० हजार ९१६ पुगेको स्वास्थ्य तथा जनसंख्या मन्त्रालयले जनाएको छ ।
आज थपिएकामध्ये २९१ महिला र ४४५ पुरुष छन् । पछिल्लो २४ घण्टामा थप ८४७ जना डिस्चार्ज भएसँगै कोरोना मुक्त हुनेको संख्या २ लाख ३८ हजार ५६९ पुगेको छ। मन्त्रालयका अनुसार निको हुनेको दर ९४.४ प्रतिशत हो । बुधबार मात्र कोरोनाबाट थप १३ जनाको मृत्यु भएको छ।
अहिलेसम्म कोरोनाबाट मृत्यु हुनेको संख्या १७ सय ४३ पुगेको छ। हाल ४५२ जना क्वारेन्टिन र ९ हजार ७५७ आइसोलेसनमा रहेको मन्त्रालयले जनाएको छ।
