जनादेश, काठमाण्डौ ।
नेपाल कम्युनिष्ट पार्टी नेकपा संसदीय दलबाट केपी शर्मा ओलीलाई बर्खास्त गरिएको छ । पुष्पकमल दाहाल प्रचण्ड र माधव नेपाल पक्षको संसदीय दलको बैठकले ओलीलाई संसदीय दलको नेताबाट हटाएको हो ।
नयाँ बानेश्वरस्थित संसद भवनको ल्होत्से हलमा भएको बैठकले ओलीलाई संसदीय दलको नेताबाट हटाउँदै पुष्पकमल दाहाल प्रचण्डलाई नयाँ नेता चयन गरेको छ ।
यो समूहको मंगलबार बसेको केन्द्रीय कमिटी बैठकले अध्यक्षबाट पनि ओलीलाई निष्काशन गरी माधव नेपाललाई चयन गरेको थियो ।
बैठकमा नेकपाका विघटित प्रतिनिधि सभाका बहुमत सदस्यहरु उपस्थित भएका छन् । उपस्थित ९३ जना भन्दा बढी सांसदलाई सुरुमै हस्ताक्षर गराइएको थियो। सो पक्ष सूर्य चिह्न र नामका लागि यही हस्ताक्षर लिएर निर्वाचन आयोग गएको छ ।