जनादेश, काठमाडौँ ।
नेपाली कांग्रेसका नेता प्रकाशमान सिंहले संविधानमाथि प्रहार हुँदा कांग्रेस चुप लागेर बस्न नसक्ने बताएका छन् ।
प्रदेशसभाका ३ सय ३० क्षेत्रमा प्रदर्शन गर्ने कार्यक्रमअन्तर्गत आज काठमाडौंको विरोधसभामा नेता सिंहले प्रधानमन्त्रीले संविधानमाथि प्रहार गर्दा कांग्रेस चुप लागेर नबस्ने बताएका हुन् । प्रधानमन्त्रीले जबर्जस्त रुपमा अधिकार दुरुपयोग गरेर प्रतिनिधिसभा भंग गर्नु संवैधानिक कु भएको उनले बताए ।
असंवैधानिक कदम चाल्ने प्रधानमन्त्रीले घोषणा गरेको चुनाव कुनैपनि तरिकाले हुन नसक्ने उनले बताए । दुई तिहाईको सरकार भन्ने तर संसदमा विश्वासको मत लिन नसक्ने सरकारले कसरी चुनावबाट जनताको मत लिन सक्छ भन्दै प्रश्न पनि उनले गरे ।
