एजेन्सी ।
लेस्टर सिटी र आर्सनल एफए कप फुटबलको चौथो चरणमा प्रवेश गरेका छन् । शनिबार राति भएको खेलमा लेस्टर सिटीले स्टोक सिटीमाथि ४–० ले पराजित गरेको हो ।
अवे मैदानमा भएको खेलमा लेस्टर सिटीका लागि ३४ औँ मिनेटमा जस्टिन, ५९ औँ मिनेटमा अब्राइग्टन, ७९ औँ मिनेटमा पेरेज र ८१ औँ मिनेटमा बार्नेसले गोल गरेका हुन् ।
यस्तै अर्को खेलमा आर्सनलले न्यूक्यासल युनाइटेडलाई २–० ले पराजित गरेको हो । आर्सनलले अतिरिक्त समयमा गोल गरेर जित निकालेको हो । उसका लागि १०९ औँ मिनेटमा स्मिथ रोव र ११७ औँ मिनेटमा पियर एमरिकले गोल गरेका हुन् ।