एजेन्सी ।
स्पेनिस फुटबल जाइन्ट बार्सिलोनाले ला लिगामा सानदार जित दर्ता गरेको छ । लियोनल मेस्सी र एन्टोनी ग्रिजम्यानको दुई–दुई गोलको सहयोगमा बार्साले यो जित निकालेको हो ।
लिग अन्तर्गत शनिबार राति भएको खेलमा बार्साले १० खेलाडीमा सीमित भएको ग्रानाडालाई ४–० ले पराजित गर्यो ।
पहिलो हाफमा तीन गोल गरेको बार्सिलोनाले दोस्रो हाफमा थप एक गोल गरेको हो । उसका लागि ग्रिजम्यानले १२ र ६३ औँ तथा मेस्सीले ३५ र ४२ औँ मिनेटमा गोल गरे ।
७८ औँ मिनेटमा भालेजो सीधै रातो कार्ड पाएर मैदानबाट बाहिरिएपछि ग्रानाडा १० खेलाडीमा सीमित भयो ।
जितपछि तेस्रो स्थानमा उक्लिएको बार्सिलोनाको १८ खेलबाट ३४ अंक भएको छ । १७ खेलबाट २४ अंकसहित ग्रानाडा सातौँ स्थानमा छ ।