जनादेश सोसल मिडिया वाच ।
नेकपाको ओली समूहले आज माघ २३ गते काठमाडौंमा आमसभा गर्दैछ । त्यसका लागि जिल्ला जिल्लाबाट मान्छे काठमाडौं ल्याइएको छ ।
तर विहीबार साँझ प्रधानमन्त्री केपी ओलीका सल्लाहकार सूर्य थापाको नाममा रहेको फेसबुकबाट सभा स्थगन भएको सूचना सार्वजनिक भयो ।
तर त्यो वास्तविक नभएर फेक आइडीबाट गरिएक काम थियो । आमसभा स्थगन गरिएको सूचना आफ्नो फेसबुकमा लेखिएको पाइएपछि प्रधानमन्त्री केपी शर्मा ओलीका प्रेस सल्लाहकार सूर्य थापा आश्चर्यचकित भएका छन् ।
साइबर अपराधीले यस्तो झुटो खबर फैलाएको भन्दै उनले आपत्ति जनाएका छन् । आफ्नो आधिकारिक फेसबुकमा उनले लेखेका छन्, मेरो फेसबुक आइडीलाई स्क्रिन सट गरी नक्कली म्यासेज बनाई सोसल मिडियामा व्यापक रूपमा दुष्प्रचार गर्न यस्तो आपराधिक गिरोह कुत्सित सक्रियतामा संलग्न रहेकोमा म उक्त कार्यप्रति खेद प्रकट गर्दछु।’
माधवकुमार नेपालका कान्छा भाइ सराेज उपाध्यायसहितकाे यस घिनलाग्दाे अपराध कर्मकाे निन्दा गर्दछु –
माझण्ड गुटका अपराधिक…Posted by Surya Thapa on Thursday, 4 February 2021
उनले यो काम माधव नेपालका कान्छा भाइ सराेज उपाध्यायसहितले गरेको आोरोप पनि लगाएका छन् ।
