जनादेश, काठमाडौं ।
म्यानमारमा सैनिक कू लागू भएसँगै पक्राउ परेकी प्रजातन्त्रवादी नेतृ आङ साङ सुकीका प्रमुख सहयोगी विन हटेइन पक्राउ परेका छन् । विभिन्न अन्तर्राष्ट्रिय सञ्चारमाध्यमका अनुसार पक्राउ परेका विनलाई यान्गोनबाट न्यपेत लगिएको छ ।
म्यानमारमा सैनिक कू लागू भएसँगै अन्तर्राष्ट्रले त्यसको विरोध गर्दे आएको छ । बिहिबार मात्र संयुक्त राष्ट्रसंघका महासचिव एन्टोनियो गुटेर्रेसले म्यान्मारमा भएको कू विफल पार्न विश्व समुदायलाई आह्वान गरेका थिए ।