जनादेश, काठमाडौँ ।
सर्वोच्चको संवैधानिक इजलासमा चलिरहेको प्रतिनिधिसभा विघटनविरुद्धको बहसमा सरकारी वकिलको तर्फबाट सहन्यायाधिवक्ता श्यामकुमार भट्टराईले संसद्मा विश्वासको मत लिने कि विघटन गर्ने भन्ने अधिकार प्रधानमन्त्रीमा रहेको बताएका छन् ।
विघटन हुने र विघटन गर्ने शक्तिले जवाफ दिन जनतासमक्ष जानुपर्ने बताउँदै भट्टराईले भने, ‘प्रतिनिधिसभा विघटन, न अग्रगमन हो न प्रतिगमन, यो जनगमन हो । विघटन हुने र विघटन गर्ने शक्तिले जवाफ दिन जनतासमक्ष जानुपर्छु।’
यस्तै, प्रधानमन्त्रीसँग कसलाई मन्त्री बनाउने र कसलाई हटाउने भन्ने अधिकार रहेको बताउँदै भट्टराईले भने, ‘कसलाई मन्त्री बनाउने र कसलाई कहिले हटाउने भन्ने प्रधानमन्त्रीको अधिकार हो । त्यस्तै संसद्मा विश्वासको मत लिने कि विघटन गर्ने भन्ने अधिकार प्रधानमन्त्रीमा रहन्छ ।’