जनादेश काठमाण्डौ ।
नेपाल ओलम्पिक कमिटी (एनओसी) को कार्यकारी निर्देशकमा चतुरानन्दराज बैद्य नियुक्त हुनुभएको छ ।
एनओसीद्वारा आज यहाँ आयोजित एक कार्यक्रममा एनओसीका अध्यक्ष जीवनराम श्रेष्ठ र कोषाध्यक्ष रतन टन्डनले बैद्यलाई नियुक्तिपत्र हस्तान्तरण गर्नुभयो ।
नेपाल टेबुल टेनिस सङ्घका अध्यक्षसमेत रहनुभएका बैद्यलाई एनओसीको इतिहासमै कार्यकारी निर्देशक पदमा पहिलो पटक नियुक्त गरेको हो ।
यसअघि एनओसीले कार्यकारी निर्देशकको पद राख्ने गरेको थिएन् ।
टेबुल टेनिसका पूर्वखेलाडीसमेत रहनुभएका बैद्य विसं २०४६ बाट टेबुल टेनिस सङ्घमा आवद्ध रहँदै आउनुभएको छ
