अन्तर्राष्ट्रिय अपडेट ।
भारतमा एक सांसदको रहस्यमय मृत्यु भएको छ । लोकसभा सदस्य मोहन डेलकर दक्षिण मुम्बईको एक होटलमा मृत फेला परेका हुन् ।
डेलकरको शव होटल सी ग्रीनमा फेला परेको थियो । प्रहरीले उनी बसेको कोठाबाट गुजराती भाषामा लेखिएको सुसाइड नोट पनि भेटेको छ ।
डेलकरको शव सोमबारै पोष्टमार्टमका लागि पठाइएको भारतीय सञ्चार माध्यमले जनाएका छन् । ५८ वर्षीय डेलकर सन् २०१९ मा केन्द्र शासित प्रदेश दादरा र नगर हवेलीबाट स्वतन्त्र सांसदको रुपमा निर्वाचित भएका थिए ।
डेलकरको परिवारमा पत्नी कालाबेन डेलकर, दुई छोराछोरी अभिनव र दिविता रहेका छन् ।
