जनादेश, काठमाडौँ ।
महान्यायाधिवक्ता अग्निप्रसाद खरेलले आफूले राजीनामा नदिएको प्रष्ट पारेका छन् ।
आज बिहानैदेखि राजीनामा दिएको चर्चा चलेपछि महान्यायाधिवक्ता खरेलले आफूले राजीनामा नदिएको, दिनुपर्ने परिस्थिति नरहेको र राजीनामा दिने सोचमा समेत नरहेको बताएका हुन् ।
आफुले प्रेस स्वतन्त्रताको बारेमा सधै अगाडि रहेर आवाज उठाई राखेको तर आफ्नो राजीनामाको बारेमा एकपटकसमेत नसोधि समाचार आएको भन्दै उनले दुःख लागेको पनि बताएका छन् ।
विभिन्न अनलाइन माध्यमहरुले अग्नि खरेलको राजीनामा आएको समाचार प्रकाशित गरेका थिए । प्रधानमन्त्री केपी ओलीले गरेको संसद विघटनको बचाउ गर्न नसकेको र प्रतिकुल अवस्था आउन लागेपछि ओलीको निर्देशनमा महान्यायाधीवक्ताले राजीनामा दिएको चर्चा चलेको थियो ।