जनादेश, बर्दिया ।
बर्दियास्थित ठाकुरबाबा नगरपालिकाको क्वारेन्टाइनमा बस्दै आएका एक युवकले आइतबार राति आत्महत्या गरेका छन् ।
अछाम बन्निगढी गाउँपालिका घर भई बर्दिया ठाकुरबाबा नगरपालिका ४ सैनवार आफन्त कहाँ आएका राम बहादुर सावदले क्वारेन्टाइन पछाडिको रूखमा झुण्डिएर आत्महत्या गरेका हुन् । सावदको शव तन्नाको पासोमा झुण्डिएको अवस्थामा भेटिएको हो ।
करिब दश दिन अघि भारतको राजस्थानबाटआएका थिए । उनको आइतबार दिउँसो पीसीआर परिक्षणका लागि स्वाब संकलन गरी पठाइएको थियो । पीसीआर रिपोर्ट भने आउँन बाँकी नै छ ।
रिपोर्ट आएपछि मात्र उनको शव घटनास्थलबाट निकालिने प्रहरीले जनाएको छ ।
