जनादेश संवाददाता,
घोराही । दाङमा स्कारपियो जिपको ठक्करबाट घाईते भएका ५ जना मध्य दुई जनाको उपचारको क्रममा मृत्युभएको छ ।
लमही भालुबाङ सडक खण्डको राप्ती गाउँपालिका ४ पिपरि चोकमा लमही तर्फ आउदै गरेको बा २० च ५७४४ नम्बरको स्कारपियोले ५ जना पैदल यात्रुलाई ठक्कर दिएको थियो ।
घाइते भएका मध्य पिपरिकै ५० बर्षिय राजकुमार चौधरी र ८ बर्षिय निशान चौधरीको उपचारको क्रममा मृत्यु भएको हो ।
राजकुमारको कोहलपुर र निशानको बुटवलमा उपचारको क्रममा मृत्युभएको जिल्ला प्रहरी कार्यालय दाङले जनाएको छ । अन्य तीनजना घाईते पिपरिकै ७ वर्षकी सृष्टि गुरूङ, २२ वर्षकी गौरी चौधरी र उहाँकी दुई वर्षकी छोरी लक्ष्मी चौधरीको बुटवलमा उपचार भइरहेको हो ।
चौधरी समुदायले गुरही सेलाउन जाने क्रममा जिपले ठक्कर दिएको थियो ।
