जनादेश, काठमाडौं ।
काठमाडौँको दरबारमार्गबाट प्रहरीले १५ किलो अवैध सुनसहित २ थान हतियार बरामद गरेको छ ।
विशेष सूचनाको आधारमा दरबारमार्ग पुगेको प्रहरीलाइै देखेपछि तस्कर झोला फालेर भागेका थिए । उक्त झोला चेकजाँच गर्दा १५ किलो सुनसहित दुईथान हतियार फेला परेको प्रहरीले जनाएको छ । सुन बोक्ने गाडीको नम्बर पहिचान भए पनि तस्करहरु भने भाग्न सफल भएका छन् ।
हालको भाउ अनुसार बरामद सुनको मूल्य १२ करोड ६३ लाख बराबर रहेको छ ।
तस्करको खोजी कार्य जारी रहेको प्रहरीले जनाएको छ ।
