काठमाडौँ ।
नेपाल गुणस्तर तथा नापतौल विभागले तोकिए अनुसार गुणस्तर नभएको भन्दै तीन उद्योगको सिमेन्ट बिक्री वितरण रोक्का गरेको छ ।
विभागले मारुती, युनाइटेड र जगदम्बा सिमेन्टको बिक्रि वितरण रोकिदिएको हो । त्यस्तै, यी तीन सिमेन्ट उद्योगसँग १५ दिनभित्र स्पष्टीकरण माग गरिएको छ ।
सिमेन्ट परिक्षणका क्रममा तोकेको गुणस्तर अनुसार नरहको भन्दै विभागले तीन सिमेन्ट उद्योगको विक्री वितरण रोक्का गरी १५ दिन भित्र स्पष्टीकरण पेस गर्न पत्र काटेको हो ।
सिराहामा रहेको मारुती सिमेन्टको ओपिसी ४३ ग्रेड, धादिङमा रहेको युनाइटेड सिमेन्टको ओपिसी ५३ ग्रेड र रुपन्देहीमा रहेको जगदम्बाको पिपिसी सिमेन्टको नमुना परीक्षण गर्दा मापदण्ड अनुसार गुणस्तर नपुगेको विभागले जनाएको छ ।
