जनादेश अपडेट ।
जाजरकोटमा बस दुर्घटना हुँदा पाँचजनाको मृत्यु भएको छ। अरु २८ जना घाइते भएका छन्।
जाजरकोटका डिएसपी मधुकुमार थापाका अनुसार आइतबार बिहान साढे २ बजेतिर भेरी नगरपालिका–१३ बराचउरमा बस पल्टिएर दुर्घटना भएको हो।
नेपालगञ्जबाट जाजरकोटको कालिमाटी जाँदै गरेको ना६ख २७५७ नम्बरको बस दुर्घटना हुँदा पाँचजनाको मृत्यु भएको हो। मृत्यु हुनेमध्ये शेरबहादुर परियार, विद्या शाही (वर्ष चार, रुकुम पश्चिम) र सप्तरीका गंगाराम यादव (शिक्षक) को नाम खुलेको छ। अरु दुईजनाको पहिचान हुन बाँकी रहेको डिएसपी थापाले बताए।
घाइतेहरुको खलंगा अस्पतालमा उपचार भइरहेको छ।
