एजेन्सी ।
रियल म्याड्रिड तथा स्पेनका पूर्व गोलरक्षक इकर कासिलासले व्यवसायिक फुटबल खेल जीवनबाट सन्यासको घोषणा गरेका छन् ।
विश्व विजेता ३९ वर्षीय लेजेन्ड गोलरक्षक कासिलासले मंगलबार सामाकि सन्जला ट्वीटरमार्फत २२ वर्षे व्यवसायिक फुटबलबाट सन्यासको घोषणा गरेका हुन् । पछिल्लो समय स्वास्थ्यमा समस्या देखिन थालेपछि ३९ वर्षे कासिलासले ग्लोभ्स थन्काउने निर्णय गरेका हुन् । कासिलासले आफ्ना रिकभरी समयमा जुलाई देखि पोर्टाेको कोचिङ स्टाफको रुपमा काम गरेका थिए ।
कासिलासले सन्यासको घोषणा गर्दै भने, ‘यात्रा गर्ने मार्ग र साथ जाने मानिसहरु महत्त्वपूर्ण हो, कहाँ पुगिन्छ भन्ने गन्तव्य खासै महत्व होइन । मलाई लाग्छ कि म निर्धक्क भएर भन्न सक्छु यो यात्रा सपनामा सोचजस्तो भएको छ ।’
कासिलास ९ वर्षको उमेरमा रियलमा आबद्ध भएका थिए । उनी क्लबको ११८ वर्षको इतिहासकै सर्वश्रेष्ठ गोलरक्षक हुन् । ‘रियल म्याड्रिडले हाम्रो क्लब र विश्व फुटबलको एक महान खेलाडीको लागि प्रशंसा र प्रेम देखाउन चाहन्छ । इकर कासिलास रियल म्याड्रिडको मुटुमा छन् र सदाका लागि रहनेछन्,’ क्लबले जारी गरेको विज्ञप्तिमा उल्लेख छ ।
२०१९ अप्रिलमा हृदयघात भएपछि कासिलासले त्यसयता कुनै खेल खेलेका छैनन् । तर, पोर्चुगिज क्लब पोर्टोले यो सिजन (२०१९–२०) सम्मका लागि कासिलासलाई टिममा राखेको थियो । पोर्टोका लागि समेत उनले २ भन्दा बढी उपाधि जितेका थिए । कासिलास रियलबाट सन् २०१५ मा पोर्टो गएका थिए । रियलमा १६ वर्ष बतिाएका कासिलासले ५ ला लिगा र ३ च्याम्पियन्स लिगको उपाधि जितेका थिए । कासिलासले रियलबाट ७२५ खेल खेलेका थिए ।
कासिलासले स्पेनबाट २००८ र २०१२ मा युरोकप तथा २०१० मा विश्वकप जित्दा टोलीका मुख्य सदस्य रहेका थिए । कासिलासले २०१६ मा अन्तराष्ट्रिय फुटबलबाट सन्यास लिएका थिए ।
अब कासिलास रियल म्याड्रिडका अध्यक्ष फियोरेन्टिना पेरेजको सल्लाहकारको रुपमा सान्टियागो बर्नाबेउ फर्कने छन् । पेरेजले सल्लाहकारका रूपमा रहन प्रस्ताव गरेको र यो प्रस्तावलाई कासिलास सहमति जनाएको स्पेनिस पत्रिका मार्काले जनाएको छ ।
