घोराही,
दाङमा हिजोको तुलनामा आज सुनको भाउ तोलामा एक हजार ६ रुपैयाँ बढेको छ ।
दाङका बजारमा आज सुन प्रति तोलालाई एक लाख एक हजार ९ सय रुपैयाँ निर्धारण भएको नेपाल सुनचाँदी व्यवसायी संघ घोराहीका सदस्य जनक गहतराजले जानकारी दिनुभयो ।
दैनिक मूल्य बढ्दै गएको अबस्थामा आज अहिले सम्मकै उच्च विन्दूमा भाउ बढेको हो । यसै क्रममा आज चाँदीको मूल्य प्रति तोला १ हजार ३ सय ९५ रुपैयाँ कायम भएको छ । सुनको भाउ बढ्दै जाँदा कारोबारमा ठूलो असर परेको छ ।
चाडपर्व आउदै गर्दा सुनको विक्रि उच्च हुने समयमा यस बर्ष भने सुनको भाउ उच्च हुदा किन्ने उपभोक्ताहरु घटेका छन् । सुनको भाउ बढ्दै जाँदा पसलहरु सुनसान बन्दै गएको सदस्य गहतराजको भनाई छ ।
अन्तर्राष्ट्रिय बजारमा सुनमा लगानीकर्ता बढेको, सुनको उत्पादनमा कमी आएको, ठूला देशबीच द्वन्द्व बढेको तथा कोरोना संक्रमणका कारण अस्थिरता बढेकाले सुनको भाउ निरन्तर बढिरहेको व्यवसायीहरुले बताएका छन् ।
