काठमाडौं ,
वरिष्ठ लोकगायक प्रेमराजा महत र उनकी श्रीमती ्कविता केसी महतलाई कोरोना भाइरस संक्रमण पुष्टि भएको छ ।
अमेरिकाको मेरिल्याण्ड तथा पेन्सेलभेनिया राज्यका लागि नेपाल सरकारको महावाणिज्यदूतसमेत रहेका वरिष्ठ लोकगायक महतले ७ अगस्त शुक्रबार दिउँसो करिब ३ बजे सामाजिक सन्जाल फेसबुकमार्फत् आफूहरु दुबैलाई कोरोना संक्रमण भएको जानकारी दिएका छन् ।
उनले सचेतना अपनाउँदा अपनाउँदै दुर्भाग्यबस कोरोना संक्रमण हुनबाट जोगिन नसकेको उल्लेख गरेका छन् ।
आफूहरु आफ्नै घरको अलग अलग कोठामा आइसोलेसनमा बसेको र छोरा डा. सरगम महतको निरीक्षण र निगरानीमा रहेको बताएका छन् ।
उनले कोरोना संक्रमणबाट जोगिन समयमै सतर्कता अपनाउन पनि विशेष आग्रह गरेका छन् ।
साथै संक्रमण भइहाल्यो भने पनि गोप्य नराखी सबैलाई जानकारी दिन आह्वान गरेका छन् ।
