नेकपा (एकीकृत समाजवादी) नेकपा (माओवादी केन्द्र) सँग एकताका लागि संयोजन समिति बनाउन तयार भएको छ। बुधबार बसेको एकीकृत समाजवादीको सचिवालय बैठकले माओवादीसँग एकताका लागि संयोजन समिति बनाउने निर्णय गरेको एकीकृत समाजवादीका उपमहासचिव गंगालाल तुलाधरले बताए।
‘हामीले पहिलेदेखि नै वाम एकताको कुरा गर्दै आएका छौं। त्यसको सुरूवात माओवादीसँग एकता गरेर अघि बढाउने निर्णय भएको छ,’ तुलाधरले भने। सचिवालय बैठकले उम्मेदवार छनौटको मापदण्डसमेत तय गरेको छ।
यसअघि मंगलबार माओवादी केन्द्रका अध्यक्ष पुष्पकमल दाहाल ‘प्रचण्ड’ ले माधव नेपालको पार्टीसँग पनि एकता गर्न संयोजन समिति बनाउने कुरा भइरहेको बताएका थिए।
