चन्द्रप्रकाश नेपाली,
घोराही ।आंशिक प्राध्यापकहरूले महेन्द्र बहुमुखी क्याम्पस भरतपुर दाङमा क्याम्पस प्रमुखको कार्यकक्षमा रहेका कुर्सी टेबल जलाएका छन् ।दुइवटा टेवल, एउटा कुर्सी, विद्युतीय हाजीर मेशिन र क्याम्पस प्रमुखको नेम प्लेट उनीहरुले जनाएका हुन् ।
उनिहरुले क्याम्पस प्रमुख दिपाकर शर्मालाई बाहिर निकालेर कार्यकक्षमा तालाबन्दी पनि गरेका छन् । उनीहरुले पार्ट टाईमको अन्त्य गर, मासिक ज्याला कायम गर भन्दै नारा लगाएका थिए भने समान कामको समान ज्याला पाउनुपर्ने र बौद्धिक शोषण अन्त्य गर्नुपर्ने प्लेकार्डसहित नाराबाजी समेत गरेका थिए ।
नेपाल आंशिक प्राध्यापक संघले लामो समयदेखि आंशिकका रूपमा पढाइरहेकालाई करारमा नियुक्ति गर्नुपर्ने मागसहित आनदोलन गरिहेका छन् । माग सुनुवाइ नभएपछि ताला लगाउनुपरेको संघका अध्यक्ष बालकृष्ण डाँगीले जानकारी दिनुभयो ।
दाङको महेन्द बहुमुखी क्याम्पसमा मात्रै ४२ जना आंशिक प्राध्यापक छन् । माग पूरा नभए भोलिदेखि क्याम्पसका कक्षा र लेखाशाखामा पनि ताला लगाउने संघले चेतावनी दिएको छ ।
