जनादेश, काठमाण्डौं । काठमाण्डौंको बानेश्वरमा रहेको युनिग्लोब कलेजका प्रिन्सिपल डा. नरबाहदुर विष्ट ‘बेस्ट प्रिंसिपल ऑफ द ईयर’ अवार्डबाट सम्मनित हुनु भएको छ । कलेज रिडर्सले दुबईको शेराटन होटलमा कार्यक्रम गरी सो अवार्ड एक भब्य समारोहका बीच संयुक्त अरब अमिरात (UAE)को दुबईमा प्रदान गरिएको हो ।
अवार्ड पाएपछि डा.विष्टले भने, कलेजको शैक्षिक गुणस्तर वृद्धि गर्न र पेशाप्रति थप जिम्मेवार बन्न यस अवार्डले उत्साह प्रदान गरेको छ । उनी दुई दशकदेखि शैक्षिक क्षेत्रमा कृयाशील, अनुसंधान र व्यवथापनका विज्ञ मान्निछन् । अन्तराष्टिय स्तरको गुणस्तरीय शिक्षा प्रदान गर्दै आइरहेको युनिग्लोब कलेज आधुनिक, सुविधा सम्पन्न हुनको साथै कुशल व्यवस्थापनका साथ अघि बढीरहेकोछ ।
नेपाल बिजनेस काउन्सिल दुबईका अध्यक्ष डा. आसिफ अली सिद्दिको प्रमुख र विशेष अतिथि दुबई सरकारका प्रतिनिधि एवं दुबईका सुरक्षा प्रमुख महमद हुसेन र मधेश विश्वविद्यालयका उपकुलपति प्रा.डा. दीपक शाक्यको विशेष आतिथ्यमा कार्यक्रम भएको थियो ।
कार्यक्रमको अध्यक्षता कलेज रिडर्सका मुख्य सम्पादक तथा केन्द्रीय हिसानका उपाध्यक्ष रामहरि सिलवालले गर्नुभएको थियो भने कार्यक्रमको कलेज रिडर्सका संरक्षक तथा हिसानका केन्द्रीय सदस्य भवानीप्रसाद पौडेलले गर्नुभएको थियो ।
