जनादेश संवाददाता
घोराही । दाङमा विभिन्न विपतका घटनामा परि ४ महिनामा २६ जनाको मृत्युभएको छ ।
जिल्ला आपतकालिन कार्य सञ्चालन केन्द्रका अनुसार बैशाख, जेठ, असार र साउन महिनामा भएका विभिन्न विपतका घटनामा परि २६ जनाको मृत्युभएको हो ।
जस अनुसार पानीमा डुबेर १४ जना, सर्पको डसाईबाट ५ जना, बाढी पहिरोमा परि ४ जना र करेन्ट लागेर ३ जना गरि २६ जनाको मृत्युभएको केन्द्रका सूचना व्यवस्थापन अधिकृत विश्वप्रकाश अर्यालले जानकारी दिनुभएको छ ।
विपतका घटनाहरु सामान्य साबधानी समेत नअपनाउदा हुने गरेका देखिएको छ । पानीमा डुबेर हुने मृत्युमा धेरै बालबालिका पर्ने गरेका छन् ।
बालबालिका खेल्ने क्रममा पानीमा डुब्ने भएकाले अभिभाबकले रेखदेख बढी गर्नुपर्ने र खोला नदी तर्ने क्रममा पनि सबैलाई होसीयारी अपनाउन केन्द्रले अपिल गरेको छ ।
