नेकपा (माओवादी केन्द्र)को केन्द्रीय समितिको दोस्रो दिनको बैठक सुरु भएको छ । कामलादीस्थित प्रज्ञा भवनमा बैठकमा बोल्नका लागि नाम टिपाएका सदस्यले प्रतिवेदन र समसामयिक विषयमा धारणाा राख्नेछन् ।
बैठकमा हिजो १८ जनाले बोलेका थिए । प्रत्येक सदस्यलाई बोल्न पाँच मिनेटको समय दिइएको छ ।
बुधबार भएको उद्घाटनपछि अध्यक्ष पुष्पकलम दाहाल प्रचण्डले प्रस्तुत गरेको राजनीतिक र सांगाठनिक प्रतिवेदनमाथि १८ जना केन्द्रीय सदस्यहरू बोलेका थिए।
बुधबार बोल्नेहरुले पार्टी शुद्धीकरण तथा सुदृढीकरण, युवा नेतृत्वको विकास वामपन्थी एकतासहितबारे बोलेका थिए। बुधबारको बैठकमा अध्यक्ष प्रचण्ड परिवारकेन्द्रित भएको, नेताहरुमा भ्रष्ट प्रवृत्ति देखिएकोसहितका विषय उठाएका थिए।
बिहीबारको बैठकमा १५० जना सदस्यले बोल्न नाम टिपाएका छन्। सबै सदस्यहरूलाई बोल्न ५ मिनेटको समय उपलब्धय गराइएको छ।
बैठक प्रत्येक दिन बिहान ११ बजेदेखि बेलुका ६ बजेसम्म बस्ने सचिव उपाध्यायले बताए।
