बिहिबार सेयर बजार दोहोरो अंकले घटेको छ । सेयर बजार परिसूचक नेप्से २०.१६ अंकले घटेर एक हजार ८७४.६० विन्दुमा पुगेको छ ।
बैंकिङ ८, विकास बैंक ४५, फाइनान्स २३, होटल तथा पर्यटन १५१, जलविद्युत् ३२, जीवन बीमा १४१, माइक्रोफाइनान्स २७, उत्पादन ३३, निर्जीवन बीमा १४९, व्यापार उपसमूह १३ र अन्य उपसमहू ९ अंकले घटेको छ ।
आज सबैभन्दा धेरै सिटी होटलको सेयर नौ प्रतिशतले घटेको छ । समग्रमा बजार घटे पनि आज भगवती हाइड्रो, मध्य सोलु हाइड्रो र हाथवे इन्भेस्टमेन्ट कम्पनीको सेयर १० प्रतिशतले बढेको छ ।
यस दिन २९२ कम्पनीको ७५ लाख ५८ हजार कित्ता सेयर एक अर्ब ७० करोड रुपैयाँमा कारोबार भएको छ । सबैभन्दा धेरै लक्ष्मी सनराइज बैंकको प्रमोटर सेयर १६ करोड ३८ लाख रुपैयाँमा किनबेच भएको छ ।
