आइतबार सेयर बजार परिसूचक नेप्से २२.१० अंकले बढेर दुई हजार ०५२.६५ विन्दुमा पुगेको छ ।
बैंकिङ ८, विकास बैंक ४२, फाइनान्स २५, माइक्रोफाइनान्स १५१, निर्जीवन बीमा १४२, अन्य ४, उत्पादन ६२, जीवन बीमा १८५, ब्यापार १८ र होटल उपसमूह ५८ अंकले बढेको छ । त्यस्तै, आज हाइड्रोपावर उपसमूह ३ अंकले घटेको छ ।
आज विन नेपाल लघुवित्त र जाल्पा सामूदायिक लघुवित्तको सेयर १० प्रतिशतले बढेको छ । समग्रमा बजार बढे पनि आज चिरख्वा हाइड्रोपावरको सेयर ७ प्रतिशत भन्दा धेरैले घटेको छ ।
यस दिन ३०४ कम्पनीको ७० लाख कित्ता सेयर २ अर्ब ९२ करोडमा कारोबार भएको छ ।
