मंगलबार सेयर बजार परिसूचक नेप्सेमा हरियाली छाएको छ । नेप्से ५८.५८ अंकले बढेर दुई हजार १११.२४ विन्दुमा पुगेको छ ।
बैंकिङ ३४, विकास बैंक ८६, फाइनान्स ४२, माइक्रोफाइनान्स १८९, निर्जीवन बीमा ३३८, अन्य २८, उत्पादन १६२, जीवन बीमा ५५७, ब्यापार ४७, होटल २०५ र हाइड्रोपावर उपसमूह २५ अंकले बढेको छ ।
आज जनउत्थान सामुदायिक लघुवित्त, उन्नति सहकार्य, विन नेपाल, स्वाभिमान र जाल्पा लघुवित्तको सेयर १० प्रतिशतले बढेको छ । समग्रमा बजार बढे पनि आज मोलुङ हाइड्रोपावरको सेयर सबैभन्दा धेरै साढे २ प्रतिशतले घटेको छ ।
यस दिन ३०५ कम्पनीको एक करोड कित्ता सेयर ४ अर्ब ५५ करोडमा कारोबार भएको छ ।
