काठमाडौँ । नेपाल राष्ट्र बैंकले बैंकिङ प्रणालीबाट ५० अर्ब रुपैयाँ तान्ने भएको छ । बजारमा अधिक तरलताको व्यवस्थापन गर्न केन्द्रिय बैंकले आज निक्षेप संकलन उपकरणमार्फत उक्त रकम तान्ने भएको हो ।
उक्त निक्षेप संकलन उपकरणको बोलकबोल आज दिउँसो ३ बजेसम्म हुने बैंकले जनाएको छ ।
बैंकले १४ दिनका लागि उक्त उपकरण प्रयोग गर्न लागेको हो । घटीमा १० करोड र बढीमा पाँच करोड रुपैयाँले भाग गर्दा निःशेष भाग जाने गरी बोलकबोल गर्न सकिने छ ।
साँवा र ब्याज भुक्तानी मिति असार २० गते निर्धारण भएको छ भने यसको ब्याजदर भने बोलकबोलबाटै निर्धारण हुनेछ ।
