काठमाडौँ । बिहिबार सेयर बजार परिसूचक नेप्से १०.४४ अंकले घटेर दुई हजार ०६८.३१ विन्दुमा पुगेको छ ।
बैंकिङ ६, विकास बैंक ३४, होटल तथा पर्यटन ४९, हाइड्रोपावर १५, माइक्रोफाइनान्स ३०, निर्जीवन बीमा ३३, अन्य ७, जीवन बीमा ८२, उत्पादन १० र व्यापार उपसमूह २० अंकले घटेको छ । त्यस्तै, आज फाइनान्स उपसमूह भने ४२ अंकले बढेको छ ।
आज सबैभन्दा धेरै कुथेली बुखरी हाइड्रोपावरको सेयर झण्डै साढे ९ प्रतिशतले घटेको छ । समग्रमा बजार घटेपनि आज कालीका लघुवित्त वित्तिय संस्थाको सेयर साढे ७ प्रतिशत भन्दा धेरैले बढेको छ ।
यस दिन ३०६ कम्पनीको ८६ लाख कित्ता सेयर ३ अर्ब ८७ करोडमा कारोबार भएको छ ।
