राष्ट्रपति रामचन्द्र पौडेलले पूर्वसचिव सुरेश अधिकारीलाई प्रतिनिधि सभाको सचिव पदमा नियुक्त गरेका छन्।
मंगलबार राष्ट्रपति कार्यालयका प्रवक्ता शैलजा रेग्मी भट्टराईले अधिकारीलाई प्रतिनिधिसभा सदस्यमा नियुक्त गरेको जानकारी गराएकी छिन्।
सभामुख देवराज घिमिरेले सोमबार राष्ट्रपति पौडेलसमक्ष अधिकारीलाई सिफारिस गरेका थिए।
नेपालको संविधानको धारा १०६ तथा संघीय संसदका महासचिव, प्रतिनिधि सभाका सचिव तथा राष्ट्रिय सभाका सचिवको पारिश्रमिक, सेवाको शर्त र सुविधा सम्बन्धी ऐन, २०७५ को दफा ३ बमोजिम सङ्खुवासभा जिल्ला खाँदवारी नगरपालिका वार्ड नम्बर २ निवासी अधिकारीलाई प्रतिनिधि सभाको सचिव पदमा नियुक्तिका लागि सिफारिस गरेका थिए।
प्रतिनिधि सभा सचिव पद्मप्रसाद पाण्डेय संघीय संसदको महासचिव नियुक्त भएपछि २०८० साल माघ २३ देखि सो पद रिक्त थियो।
