मन्त्रिपरिषद्को आकस्मिक बैठक बस्दै छ । प्रधानमन्त्री केपी ओलीले आज बुधबार अपराह्न पाँच बजेका लागि आकस्मिक बैठक बोलाएका हुन् ।
बुधबार सौर्य एयरलाइन्सको जहाज दुर्घटना भएपछि त्यसबारे जानकारी तथा छानबिन प्रक्रियाका लागि बैठक बस्न लागेको हो ।
काठमाडौंबाट पोखरातर्फ प्रस्थान गर्नेक्रममा सौर्य एयरको ९ एन एएमई जहाज दुर्घटना हुँदा विमानमा सवार १८ जनाको निधन भएको छ । उक्त जहाज उड्ने क्रममा त्रिभुवन अन्तर्राष्ट्रिय विमानस्थलको ‘रन वे’ पूर्वतर्फको खाल्डोमा खसेको थियो ।
दुर्घटनामा पाइलट मनिष रत्न शाक्यबाहेक सबै १८ यात्रुको निधन भएको हो ।
