काठमाडौँ । मंगलबार सेयर बजार परिसूचक नेप्से ३५.५५ अंकले बढेर दुई हजार ६९६.६५ विन्दुमा पुगेको छ ।
विकास बैंक १२४, जीवन बीमा ७२, उत्पादन २७, होटल तथा पर्यटन ३९८, अन्य ६८ र माइक्रोफाइनान्स ५२, फाइनान्स १८३ र हाइड्रोपावर उपसमूह १०० अंकले बढेको छ । यस्तै, आज बैंकिङ १२, निर्जीवन बीमा ४८ र ब्यापार उपसमूह २१ अंकले घटेको छ ।
आज प्रोग्रेसिभ फाइनान्स, बरुण हाइड्रोपावर, सान्जेन जलविद्युत्, नेपाल वेयरहाउजिङ कम्पनी तथा सीईडीबी हाइड्रोपावर, नेपाल फाइनान्स, हाथवे इन्भेस्टमेन्ट कम्पनीको सेयर १० प्रतिशतले बढेको छ । समग्रमा बजार बढेपनि आज एसियन हाइड्रोपावरको सेयर १० प्रतिशतले घटेको छ ।
यस दिन ३२९ कम्पनीको ४ करोड ३ लाख कित्ता सेयर १७ अर्ब २६ करोडमा कारोबार भएको छ ।
