एजेन्सी ।
बलिउडकी चर्चित आइटम गर्ल अभिनेत्री मलाइका अरोरापछि उनका प्रेमी अर्जुन कपुर पनि कोरोना संक्रमित भएका छन् ।
अर्जुन कपुरले इन्स्टाग्राममार्फत आफूलाई कोरोना संक्रमण भएको पुष्ट्टि गरेका छन् । मलाइका अरोरा र उनकी बहिनी अमृता अरोरालाई यस अघि नै कोरोना पुष्टि भैसकेको छ ।
सलमानका भाइ अरवाज खानसँग सम्बन्ध विच्छेद भएपछि मलाइका अर्जुनसँग प्रेम सम्बन्धमा रहँदै आएकी छिन् ।
भारतमा दैनिक ९० हजार हाराहारीमा कोरोना संक्रमित थपिइरहेको समयमा बलिउडका स्टारहरु पनि यसको शिकार भैरहेका छन् ।
बलिउडका चर्चित अभिनेता अमिताभ बच्चनका बाबु छोरा पनि केही समय अघि संक्रमित भएर निको भएका थिए ।
