एजेन्सी ।
कोरोना भाइरसविरुद्ध बनेका खोपहरु कहिले प्रयोगमा आउलान् भनेर कुरिरहेकाहरुलाई निराशजनक समाचार छ ।
बेलायतको अक्सफोर्ड विश्वविद्यालयले विकास गरिरहेको खोपको ट्रायल रोकिएको छ । खोपको मानव परीक्षणमा सहभागी एक व्यक्ति विरामी परेपछि ट्रायल रोकिएको हो ।
ती व्यक्ति विरामी पर्नुको कारण थाहा हुन नसकेपनि खोपको ट्रायल तत्कालका लागि स्थगित गरिएको छ । अक्सफोर्डको खोपलाई संसारभरका मानिसले आशाको आँखाले हेरिरहेका छन् ।
संसारभर कोरोना भाइरसविरुद्ध एकदर्जन खोपको ट्रायल चलिरहेको छ र अक्सफोर्डको खोप अगाडिरहेका मध्ये एक हो ।
खोपको तेश्रो चरणमा ३० हजार भन्दा बढी मानिसमा प्रयोग गरिन्छ । र यस्तो प्रयोगमा वर्षौं समेत लाग्न सक्छ ।
खोपमा सहभागी भएका व्यक्ति किन विरामी भए भन्नेबारे स्वतन्त्र छानविन गरेपछि ट्रायल पुनः थाल्ने कि रोक्ने भन्ने निर्णय लिइने छ । यद्यपी अक्सफोर्डका अधिकारीहरुले खोपको ट्रायल केहीदिनमै सुरु हुने आशा गरेका छन् ।
यो पनि हेर्नुस्-
श्रमिक उद्दारमा उदासिनताको परिणामः विदेशी भूमिमा देशको कार्यकारीविरुद्ध नारावाजी
विश्व कोरोना मिटरः मृत्यु हुनेको संख्या ९ लाख नाघ्यो, २ करोड ७७ लाख संक्रमित
