एजेन्सी ।
इंग्लिस प्रिमियर लिगको नयाँ सिजन शनिबारदेखि सुरु भएको छ । उद्घाटन खेलमा साविक विजेता लिभरपुलले सुखद सुरुवात गरेको छ । सिजनको पहिलो खेलमा लिड्स युनाइटेडलाई ४-३ गोल अन्तरले पराजित गर्दै लिभरपुलले सुखद सुरुवात गरेको हो ।
एनफिल्डमा लिभरपुललाई जित दिलाउन मोहमद सलाहले ह्याट्रिक गरे । सलाह प्रिमियर लिगको नयाँ सिजन ह्याट्रिक गर्ने पहिलो खेलाडी बनेका छन् ।
त्यस्तै आर्सनलले पनि इंग्लिस प्रिमियर लिग फुटबलमा सानदार सुरुवात गरेको छ । नयाँ सिजनको पहिलो खेलमा शनिबार फुलहमलाई ३-० गोल अन्तरले पराजित गर्दै आर्सनलले सानदार सुरुवात गरेको हो ।
आर्सनलका लागि एलेक्जान्ड्रा लाकाजेट, ग्राबियल र पिएर एम्रिक आबुमियाङले एक एक गोल गरे ।
