एजेन्सी ।
स्पेनिस फुटबल क्लब बार्सिलोनाका कप्तान लियोनल मेस्सीले आफूले क्लबलाई निक्कै मायाँ गर्ने बताएका छन् ।
स्पोर्टससँगको भावुक अन्तवार्तामा मेस्सीले आफ्नो पहिलो प्राथमिकतामा बार्सिलोना नै रहेको बताएका हुन् । सम्बन्ध जे जस्तो भए पनि यो सिजन बार्सिलोनाबाट राम्रोसँग बिताउने बताउँदै मेस्सीले भनेका छन्, ‘जति धेरै असहमति भए पनि मैले यो सिजन यहीँबाट टुङ्ग्याउने योजना बनाएको छु, बार्सिलोनाका सबैले एक भएर अगाडि राम्रो हुने अपेक्षासहित जानुपर्छ ।’
मेस्सीले आफ्नो कमजोरीका लागि जिम्मेवारी लिन तयार रहेको स्पष्ट पारेका छन् । त्यति मात्रै होइन उनले क्लबलाई बलियो बनाउन सबै एक भएर अगाडि बढ्दा त्यो सम्भव रहेको बताएका छन् ।
मेस्सीले केही समय अघि क्लब छोड्ने प्रयास गरेपनि क्लबलाई भारी रकम तिर्नुपर्ने भएपछि यो सिजन क्लबमै रहने निर्णय गरेका थिए । सिजन सुरु भएपछि मेस्सीले पहिलो गोल पनि गरिसकेका छन् ।
यो पनि हेर्नुस्-
सन्दीपलाई किन बेच्नमा राख्दै छ दिल्ली, अबको सम्भावना के
