एजेन्सी ।
आगामी च्याम्पियन्स लिग फुटबलको खेल तालिका सार्वजनिक भएको छ ।
अक्टोबर २० बाट सुरु हुन लागेको यूईएफए च्याम्पियन्स लिगको बिहीबार राति सार्वजनिक तालिका अनुसार विश्व चर्चित फुटबल लियोनल मेस्सी र क्रिष्टीयानो रोनाल्डो आवद्ध बार्सिलोना र युभेन्ट्स एउटै समूहमा रहेका छन् । यसको अर्थ मेस्सी र रोनाल्डोको साक्षात्कार लिग चरणमै हुने भएको छ ।
मेस्सी र रोनाल्डोका टीम एकै समूहमा हुँदा खेल रोचक हुने भएका छन् । बार्सा र युभेन्ट्सबीचको खेल नोभेम्बर २३ हुनेछ ।
बार्सिलोना र युभेन्ट्स समुह जी मा छन् । उनीहरुसँगै समूह जीमा डाइनामो किभी र फेरेनक्भारोस छन् । यो समूहबाट बार्सिलोना र युभेन्ट्स माथिल्लो चरण पुग्ने अनुमान छ ।
साविक विजेता बार्यन युनिख, एट्लेटिको मड्रिड साल्ज्बर्ग र लोकोमोटिभ मोस्को समूह ए मा छन् । समूह बी मा रियल मड्रिड, सक्तरडोनेट्के, इन्टर मिलान, बौरुसिया मोनचेन्गलादबाच छन् ।
समूह सी मा पोर्टो, म्यान्चेस्टर सिटी, ओलम्पिकासो मार्सेल्ले रहेका छन् भने प्रिमियर लिगको साविक विजेता टोली लिभरपुलको समूहमा अयाक्स, एट्लान्टा र मिड्त्जल्लाद छन् ।
समूह ई मा सेभिल्ला, चेल्सी, एफके क्रस्नोदार, रेन्नेस छन् । समूह एफ माजेनीत सेन्ट पिटर्सबर्ग, बौरुसिया डर्टमन्ड, लाजियो र ब्रुगेस छन् ।
यस्तै, समूह एचमा लिग वान च्याम्पियन पेरिस सेन्ट जर्मन, प्रिमियर लिग क्लब म्यान्चेस्टर युनाइटेड, आरी लाइपीज्गी र इस्तानबुल बसासेहिर छन् ।
