एजेन्सी ।
उरुग्वेका फुटबलर एडिन्सन काभानी इंग्लिस क्लब म्यानचेस्टर युनाइटेडमा अनुबन्धित भएका छन् ।
गएको जुनमा फ्रेन्च क्लब पेरिस सेन्ट–जर्मेन (पिएसजी) छाडेका स्ट्राइकर काभानीले इंग्लिस क्लब म्यानचेस्टर युनायटेडसँग एक वर्षको सम्झौता गरेका हुन् ।
उनले क्लब प्रतिस्पर्धामा ५५६ खेलमा ३४१ गोल गरेका छन् । त्यसमध्ये उनले पिएसजीबाट ३०१ खेलमा कीर्तिमानी २०० गोल गरेका छन् । काभानीले उरुग्वेबाट ११६ खेलमा ५० गोल गरेका छन् ।
उनले म्यानचेस्टर युनाइटेडबाट खेल्ने पहिलो खेल च्याम्पियन्स लिगको समूह चरण अन्तर्गत अक्टोबर २० मा पिएसजीसँग हुने खेल बन्न सक्ने छ । त्यसअघि युनाइटेडले प्रिमियर लिगमा अक्टोबर १७ मा न्यूक्यासल युनाइटेडसँग प्रतिस्पर्धा गर्ने छ।
