एजेन्सी ।
विश्व नम्बर एक बरीयतामा रहेको बेल्जियन राष्ट्रिय फुटबल टोलीलाई आइसल्याण्डसँगको खेल अघि धक्का लागेको छ ।
महत्वपूर्ण खेलाडी केविन डी ब्रुयना आइसल्याण्डसँगको खेलका लागि तय गरिएको बेल्जियमको टोलीबाट फिट नभएकाले बाहिरिएपछि टिमलाई धक्का लागेको हो ।
डी ब्रूयना खेल्न नसक्ने भएपछि म्यानचेस्टर सिटी फर्किएका छन् ।
नेशन्स लिग लिग अन्तर्गत बेल्जियमले बुधबार आइसल्याण्डसँग प्रतिस्पर्धा गर्दैछ । ब्रूयना गएको आइतबार इंग्ल्याण्डसँग २–१ ले पराजित हुँदा ७३ मिनेट खेलेका थिए ।
बेल्जियम नेशन्स लिगको समूह ए टू मा छ र उ शीर्ष स्थानको इंग्ल्याण्ड भन्दा एक अंकले पछि रहेको छ।
