एजेन्सी ।
अमेरिकी राष्ट्रपतिमा निर्वाचित भएका जो बाइडेनले अमेरिकी नागरिकहरुलाई बाझा-बाझा नगर्न र आस्थाको विस्तार गर्न आह्वान गरेका छन् ।
निर्वाचित भएपछि पहिलो मन्तव्य दिँदै बाइडेनले आफ्नो जित सबै नागरिकको जित भएको बताए ।
‘अमेरिकी जनताले स्पष्ट जनादेश दिएका छन्, यो जित तपाइँको हो, मलाई ७ करोड ४० लाख मत प्राप्त भएको छ, यति मत आजसम्म कसैलाई प्राप्त भएको थिएन’, बाइडेनले मन्तव्यमा भने ।
अमेरिकी जनताले आफूमाथि देखाएको विश्वासलाई स्वीकार गर्ने बताउँदै उनले अगाडि भने, ‘म अमेरिकाको राष्ट्रपति हुँ,सबैलाई साथ लिएर अगाडि बढ्नेछु, म रेड स्टेट र ब्लु स्टेटको रुपमा हेर्नेछैन, म अमेरिकाको राष्ट्रपति हुँ, कुनै पार्टीको होइन, अब हामी सबै मिलेर काम गर्नेछौं।’
जो बाइडेन अमेरिकाको राष्ट्रपतिमा निर्वाचित भएकोमा विश्वका नेताहरुले बधाइ दिएका छन्।
विश्वका नेताहरुले बाइडेन र उपराष्ट्रपतिमा निर्वाचित कमला ह्यारिसलाई बधाइ दिँदै उनीहरुसँग काम गर्न आफू तयार रहेको बताएका छन्।
यो पनि हेर्नुस्- द्वन्द चर्काउने ओलीको मुड, टेलिभिजनमा भने- हामी बिदा लिउँ, नयाँ पुस्तालाई जिम्मा दिउँ
