एजेन्सी ।
चीन र भारतबीच लद्दाखमा देखिएको तनाव मत्थरिने संकेत देखिएको छ । दुबै पक्ष वास्तविक नियन्त्रण रेखा एलएसीमा तनाव कम गर्न सहमत भएका छन् ।
पछिल्लो सहमति अनुसार अब पूर्वी लद्दाखको पैगान्ग ताल वरिपरि बनाइएको संरचना समेत भत्काइने भएको छ । र गस्तीमाथि पनि प्रतिबन्ध लगाइने भएको छ ।
एप्रिल र मे महिना दुई देशबीच तनाव बढेपछि यो संरचना बनाइएको थियो । श्रोतलाई उदृत गर्दै भारतीय सञ्चार माध्यमले अब फिंगर ४ र फिंगर ८ का बीच कुनै गतिविधि गर्न पाइने छैन ।
योसँगै चीन आफ्नो पूरानै पोजिसनमा फर्किन सहमत भएको छ । दुबै देशले अब देपासांग मैदानी क्षेत्रको मुद्दामाथि छुट्टै वार्ता गर्नेछन् । यो क्षेत्रमा पनि चिनियाँ जनमुक्ति सेना र भारतीय सेनाले गर्ने गस्ती पनि बन्द गर्ने जनाइएको छ ।
सम्झौताअनुसार दुवै देशका सेनाले पूर्वी लद्दाख क्षेत्रबाट पछि हटेको सम्झौता गरेका छन् । गलवान घाँटीमा भएको झडपपछि यो क्षेत्रमा दुवै देशका धेरै सैनिकहरु तैनाथ गरिएको थियो ।
