जनादेश, विराटनगर
बलात्कार आरोपमा पुर्पक्षका लागि थुनामा रहेका सिद्धबाबा भनिने कृष्णबहादुर गिरीले अदालतबाट सफाई पाएका छन् ।
गिरीलाई जिल्ला अदालत सुनसरीले सोमबार सफाई दिएको हो । गिरीमाथि अनुयायी महिलामाथि बलात्कार गरेको आरोप लागेको छ ।
सोमबार जिल्ला न्यायाधीश अर्जुनप्रसाद कोइरालाको इजलासले उनीमाथि लागेको अभियोग दाबी नठहर्ने भन्दै सफाई दिइएको हो ।
गिरीमाथि अनुयायी महिलालाई २०७६ कात्तिक ४ गते आफ्नै आश्रममा बलात्कार गरेको आरोप लागेको थियो ।
प्रहरीले उनलाई पक्राउ गरेर मुद्दा चलाएको थियो । आलोचकहरुले सरकारी वकिलको अनुपस्थितिमै अदालतले सुनाएको आदेशप्रति असन्तुष्टि जनाएका छन् ।
बलात्कार सम्बन्धि मुद्धा स्थगित गर्न उनले गरेको भनिएका बार्गेनिकका प्रमाण समेत रहेको दाबी आलोचकहरुको छ ।
