जनादेश, काठमाडौँ ।
१३ वर्षअघि आफ्नै ११ वर्षीया भाञ्जाको अपहरणपछि हत्या गरेर फरार भएका एक जनालाई प्रहरीले पक्राउ गरेको छ ।
पक्राउ पर्नेमा भारत मुजफ्फरपुरका ४५ वर्षीय राजेशकुमार गुप्ता रहेको प्रहरीले जनाएको छ । फरार रहेका राजेशलाई महानगरीय प्रहरी अपराध महाशाखाको टोलीले सर्लाही मलंगवा–८ बाट शनिबार पक्राउ गरेको हो । राजेशले २०६४ असोज २४ गते भारत सितामणि घर भई काठमाडौं–२२ खिचापोखरी बस्ने बासुदेव गुप्ताका छोरा रोहित गुप्ताको अपहरण गरी हत्या गरेका थिए ।
अपहरणमा परेका बालकका बुबाले फिरौती बापत दुई लाख रुपैया समेत बुझाएका थिए । घटनाको अनुसन्धान गर्दै जादा उक्त अपहरणकारी ती बालकका आफ्नै मामा रहेको खुलेको थियो । बालकको शव पुस २७ गते काठमाडौं–३२ कमलादीस्थित गणेश मन्दिर नजिक सडक पेटीमा प्लास्टिकको बोरामा फालेको अवस्थामा भेटिएको थियो।
गुप्ताले आफ्नै पसलमा काम गर्ने धादिङका विष्णु सुनारको संलग्नतामा बालकको हत्या गरेको खुलेको छ । सुनारभने घटनाको दुुई महिनापछि पक्राउ परेका थिए ।
