बिबिसी मास्टर सेफको फाइनल नजितेपछि सन्तोष साहको भावुक स्ट्याटस्

जनादेश, काठमाडौं ।
नेपाली सेफ सन्तोष साह बिबिसी मास्टरसेफ यूकेको उत्कृष्ट तीनमा पुगेपनि फाइनल जित्नबाट बञ्चित भएका छन् । फाइनलसम्मको यात्रा तय गरेर नेपाली खानालाई चर्चित गराएका उनले उपाधि जित्न भने सकेनन् ।

फाइनल नजितेपछि सामाजिक सञ्जाल फेसबुकमा स्ट्याटस लेख्दै साहले बिबिसी जस्तो टेलिभिजनको चर्चित कार्यक्रममार्फत विश्वसामु नेपाली खाना पस्किन पाएकोमा खुशी लागेको उल्लेख गरेका छन् ।

सन्तोषले हरेक चरणमा नेपाली परिकार पस्किएर निर्णायकको मन जितेका थिए । फाइनलमा आफूले सोचे जस्तो गर्न नसकेको सन्तोषले बताएका छन् ।

 

सन्तोषलाई पछि पार्दै बेलायतका २५ वर्षीय एलेक्स वेब विजेता घोषित भए । ३५ वर्षीय नेपाली सेफ साह सिराहाको कर्जन्हाका बासिन्दा हुन् ।