मंगलबार सेयर बजार दोहोरो अंकले बढेको छ । सेयर बजार परिसूचक नेप्से ११.२२ अंकले बढेर एक हजार ८५८.७६ विन्दुमा पुगेको छ ।
बैंकिङ २, विकास बैंक १५, फाइनान्स १९, होटल तथा पर्यटन ४०, जलविद्युत् ७, जीवन बीमा ११३, माइक्रोफाइनान्स २१, उत्पादन ४७, व्यापार उपसमूह २० र अन्य उपसमहू १८ अंकले बढेको छ । यस्तै, निर्जीवन बीमा उपसमूह १७ अंकले घटेको छ ।
आज सबैभन्दा धेरै लक्ष्मी लघुवित्त वित्तिय संस्थाको सेयर ८ प्रतिशतले बढेको छ । समग्रमा बजार बढे पनि स्वाभिमान लघुवित्तको सेयर झण्डै साढे आठ प्रतिशतले घटेको छ ।
यसदिन २८५ कम्पनीको ४३ लाख ३१ हजार कित्ता सेयर ९९ करोड ६५ लाख रुपैयाँमा कारोबार भएको छ ।
